Алматыда «Almaty Invest» өкілдерімен кездесу өтті

2026 жылғы 24 ақпанда Қазақстан Республикасы Сыртқы сауда палатасының АСЕАН елдеріндегі арнайы өкілі Серік Әмiров пен «Almaty Invest» басқарма төрағасының орынбасары Исатай Адресовтің кездесуі өтті.

Кездесу барысында Серік Әмiров АСЕАН елдері үшін Қазақстанмен өзара іс-қимылды тереңдетудің стратегиялық маңызы бар екенін атап өтті. Бұл Оңтүстік-Шығыс Азия компанияларына көлік бағыттарының әлеуетін кеңейтуге мүмкіндік береді, бұл өз кезегінде экономикалық өсім мен дамуға ықпал ететіні сөзсіз.

Ресми деректерге сәйкес, 2024 жылы Қазақстан Республикасы мен АСЕАН елдері арасындағы тауар айналымы шамамен 2 млрд 740 млн АҚШ долларын құрады. Оның ішінде экспорт көлемі 1 млрд 375 млн АҚШ долларын, ал импорт көлемі 1 млрд 365 млн АҚШ долларын құрады. 2024 жылы АСЕАН елдерінен Қазақстан Республикасына тартылған тікелей шетелдік инвестициялардың жалпы көлемі 711,8 млн АҚШ долларын құрады. Бұл көрсеткіштердің айтарлықтай өсу әлеуеті бар екені анық.

Ол сонымен қатар микро-, шағын және орта кәсіпорындар (МШОК) АСЕАН-ға мүше мемлекеттердің экономикалық дамуында маңызды рөл атқаратынын атап өтті. Олар компаниялардың жалпы санының 97,2%-дан 99,9%-ға дейінгі бөлігін құрайды. МШОК өңірдегі жұмыспен қамтудың шамамен 85%-ын, жалпы ішкі өнімнің 44,8%-ын және ұлттық экспорттың 18%-ын қамтамасыз етеді.

Жинақталған тәжірибе негізінде Серік Әмiров жергілікті және шетелдік бизнес-қоғамдастықтар арасындағы жүйелі өзара іс-қимылдың тиімді тетігі ретінде «Almaty B2B Hub» құру мүмкіндігін қарастыруды ұсынды.

Өз кезегінде басқарма төрағасының орынбасары Исатай Адресов шетелдік инвесторларды тарту бойынша «Almaty Invest» мүмкіндіктерін, сондай-ақ ақпараттық технологиялар және жасанды интеллектті дамыту, қоғамдық көлік, логистика, инфрақұрылым, жасыл энергетика, азық-түлік өндірісі, жеңіл өнеркәсіп және басқа да салалардағы инвестициялық ынтымақтастыққа арналған перспективалы жобаларды таныстырды.

Кездесу қорытындысы бойынша 2026 жылғы наурызда Таиланд бизнес өкілдерінің қатысуымен онлайн B2B-нетворкинг-сессия өткізу, осы жылдың қаңтарында өткен Вьетнам Социалистік Республикасының кәсіпкерлерімен кездесу аясында алдын ала келісімге қол жеткізілген жобаларға қолдау көрсету, және 2026 жылғы наурыз–сәуір айларында Оңтүстік-Шығыс Азия өңірінен келетін бизнес-делегациялар сапарларын бірлесіп дайындау туралы келісімге қол жеткізілді.