Астанада мемлекет басшыларының қатысуымен Қазақстан-Түркия бизнес-форумы өтті

Бүгін Астанада Қазақстан Республикасының Президенті Қасым-Жомарт Тоқаев пен Түркия Республикасының Президенті Режеп Тайып Ердоғанның қатысуымен Қазақстан-Түркия бизнес-форумы өтті. Іс-шараға екі елдің мемлекеттік органдарының, іскерлік топтарының және салалық қауымдастықтарының өкілдері қатысты.

Форум аясында «Атамекен» ҚР ҰКП Төралқа Төрағасы Қанат Шарлапаев сөз сөйледі. Ол Қазақстан мен Түркия арасындағы стратегиялық серіктестіктің жоғары деңгейін атап өтіп, дәстүрлі саудадан терең өнеркәсіптік ықпалдастық пен  технологиялық өзара іс-қимылға көшу қажеттілігіне тоқталды.

Қанат Шарлапаев өз сөзінде әрі қарайғы ынтымақтастықтың негізгі бағыттарын – өндірістерді оқшаулау және жаңа технологиялар трансферті, бірлескен өндірістік тізбектерді құру, агроөнеркәсіптік кешендегі ықпалдастықты дамыту, сондай-ақ Транскаспий халықаралық бағыты аясында логистика мен көлік инфрақұрылымындағы өзара іс-қимылды күшейтуді атап өтті. Бірлескен инвестициялық жобаларды іске асыру алаңы ретінде Қазақстанның арнайы экономикалық және индустриалық аймақтарының әлеуетіне ерекше назар аударылды.

Ұлттық палата басшысы екі елдің тарихи және мәдени жақындығын атап өтіп, сенім мен адал серіктестік қағидаттары Қазақстан мен Түркияның экономикалық ынтымақтастығының маңызды тірегі болып қала беретінін айтты. Талқыланған бастамалардың іс жүзіндегі жалғасы ретінде «Атамекен» ҰКП мен Түркі инвестициялық қоры арасындағы Меморандумға, сондай-ақ TCCI, Қазақстанның Сыртқы сауда палатасы және Қазақстан Республикасының Кооперативтер мен басқа да экономикалық қауымдастық формалары ұлттық ассоциациясы (NACOFEC) арасындағы Меморандумға қол қою рәсімі өтті.

«Қазақстан мен Түркия жай ғана дайын тауарлар сату деңгейінен асып, терең технологиялық байланыс орнатуды көздейтін өзара іс-қимылдың жаңа деңгейіне жетті. Біз бизнесті бір реттік мәмілелерге емес, «іскерлік бауырластық» қағидаттарына негізделіп құрамыз. Мұнда серіктестің ұзақмерзімді табысы өзіңнің жетістігіңдей маңызға ие», – деп атап өтті Қанат Шарлапаев.

Бизнес-форум аясында екі елдің кәсіпкерлері сауда-экономикалық және инвестициялық ынтымақтастықты кеңейту, өнеркәсіп, агроөнеркәсіп кешені, логистика мен инфрақұрылым салаларындағы бірлескен жобаларды іске асыру, сондай-ақ Қазақстан мен Түркияның кәсіпкерлік қоғамдастықтары арасындағы  іскерлік байланыстарды нығайту мүмкіндіктерін талқыға салды.