ҚССП және Венесуэла Елшілігі туристік алмасуды күшейту жолдарын талқылады

Бүгін Қазақстанның Сыртқы сауда палатасы өкілдері Венесуэла Боливариан Республикасының Қазақстан Республикасындағы Төтенше және Өкілетті Елшісі Ло Буэ Антико Росальба ханыммен кездесу өткізді. Тараптар туризм саласындағы ынтымақтастықты дамыту, оның ішінде екі ел арасында визасыз режимді қарастыру мүмкіндігін талқылады.

Талқылауға ҚССП Халықаралық ынтымақтастық департаментінің директоры Диана Жақутова және «Атамекен» ҚР Ұлттық кәсіпкерлер палатасының Туризм департаментінің директоры Дамиля Кунанова қатысты.

Кездесу барысында Қазақстан мен Венесуэланың туристік әлеуетін ілгерілету, азаматтардың өзара сапарларын жеңілдету, сондай-ақ салалық ұйымдар арасындағы әрі қарайғы ынтымақтастық форматтарын қарастыру мәселелері қозғалды.

«Атамекен» ҚР ҰКП Туризм департаментінің директоры Дамиля Құнанова туризмді дамытудың ел экономикасына оң әсер ететінін атап өтіп, венесуэлалық тарапқа сапары мен конструктивті диалогы үшін алғыс білдірді. Ол сондай-ақ екі елдің туроператорларының тікелей байланыстар орнатуы мен практикалық ынтымақтастықты дамытуы үшін жеке кездесу ұйымдастыруды ұсынды.

Қазақстанның Сыртқы сауда палатасы туристік саладағы өзара іс-қимылды нығайтуға және Қазақстан мен Венесуэла арасындағы туристік алмасуды кеңейту үшін қолайлы жағдайлар жасауға бағытталған әрі қарайғы қадамдарды қолдауға дайын екенін жеткізді.