ҚР Сыртқы сауда палатасы Бейжіңдегі ШЫҰ Бизнес-форумына кәсіпкерлерді қатысуға шақырады

2025 жылғы 17 шілдеде Қытай Халық Республикасының Бейжің қаласында «Шанхай рухын ілгерілету: жеткізу тізбектерін дамыту және энергетиканың жасыл трансформациясы» тақырыбында Шанхай ынтымақтастық ұйымының (ШЫҰ) Бизнес-форумы өтеді.

Іс-шараны Қытай халықаралық сауданы дамыту комитеті (CCPIT) Қытай халықаралық сауда палатасының (CCOIC) қолдауымен ұйымдастырады.

Форумның негізгі тақырыптары:

• энергетика саласындағы «жасыл» трансформацияны ілгерілету;
• орнықты даму және жасыл экономика;
• өзара байланыстарды тереңдету;
• өндірістік және жеткізу тізбектерінің тұрақтылығын қамтамасыз ету;
• көлік және логистика салаларындағы ынтымақтастықты дамыту.

Форумның мақсаты – «Бір белдеу, бір жол» бастамасы аясында экономикалық байланыстарды нығайту, үздік тәжірибе алмасу және халықаралық ынтымақтастықты кеңейту.

Бағдарламада:

• тақырыптық сессиялар;
• B2B-кездесулер;
• халықаралық қатысушылармен нетворкинг;
• швед үстелі форматындағы іскерлік түскі ас.

Өтетін орны: Crowne Plaza Beijing Sun Palace қонақ үйі, Юньнань ғимараты, Күн сарайы көпірінің солтүстік-шығыс бұрышы, Бейжің қаласы.

Тіркеу 2025 жылғы 4 шілдеге дейін ашық: https://docs.google.com/forms/d/e/1FAIpQLSdMpdn7wDQHfUEL7Vf5gfbGMQs1FR5sArTIow3gvr0VPxO-4Q/viewform?usp=dialog

ҚР Сыртқы сауда палатасы қазақстандық кәсіпкерлерді форумға белсенді қатысуға және ШЫҰ алаңын іскерлік байланыстарды кеңейту, сондай-ақ өнімдерін халықаралық нарықтарға ілгерілету үшін пайдалануға шақырады.