Венгрияның Сауда-өнеркәсіп палатасының Өңірлік комитетін құру мәселесі ҚССП-ның қатысуымен өткен онлайн-кездесу аясында талқыланды

Қазақстанның Сыртқы сауда палатасы Басқарма төрағасы Мұрат Қарымсақов Венгрияның Сауда-өнеркәсіп палатасының Түркі мемлекеттері мен Орталық Азия бойынша Өңірлік комитетін құруға арналған онлайн-кездесуге қатысты. Кездесу Венгрия мен Орталық Азия елдері арасындағы практикалық ынтымақтастықты кеңейтуге мүдделі сауда-өнеркәсіп палаталары мен бизнес қауымдастығы өкілдерін біріктірді.

Талқылау барысында қатысушылар өзара іс-қимылдың жаңа өңірлік форматын іске қосудың іскерлік байланыстарды дамыту, инвестициялық ынтымақтастықты кеңейту және бизнес қауымдастықтар арасындағы тікелей өзара байланысты нығайту үшін тиімді алаң ретіндегі маңызын атап өтті. Комитет формалды құрылым емес, Венгрия мен өңір мемлекеттері арасындағы экономикалық байланыстарды нығайтудың нақты тетігіне айналуы тиіс екені айтылды.

Кездесу аясында технологиялық кооперация мен бірлескен өндірістерді құру мәселелеріне ерекше назар аударылды. Венгрияның машина жасау, фармацевтика, электроника, агротехнологиялар және су ресурстарын басқару салаларында елеулі құзыреттерге ие екені атап өтіліп, бұл бірлескен жобаларды іске асыру мен өндірістік кооперацияны дамытуға қосымша мүмкіндіктер ашатыны айтылды.

Сондай-ақ Транскаспий халықаралық көлік бағытын дамыту мәселесін қоса алғанда, көлік-логистикалық байланыстарды нығайту перспективалары талқыланды. Басым бағыттардың қатарында тасымалдарды жетілдіру, кедендік рәсімдерді үйлестіру және Орталық Азия мен Еуропа нарықтары арасындағы сауданы одан әрі кеңейту үшін әкімшілік кедергілерді азайту мәселелері белгіленді.

Шағын және орта бизнесті қолдау, тікелей B2B-өзара іс-қимылды дамыту, тұрақты салалық миссияларды ұйымдастыру және жаңа нарықтық нишалар мен кооперациялық мүмкіндіктерді іздеу үшін бизнеске аналитикалық қолдауды кеңейту мәселелеріне де ерекше мән берілді.

Қазақстанның Сыртқы сауда палатасы халықаралық іскерлік ынтымақтастықты нығайту және Қазақстан бизнесі мен шетелдік серіктестер арасындағы тиімді өзара іс-қимыл тетіктерін дамыту бағытындағы жұмысын жалғастырады.