Қазақстанның Сыртқы сауда палатасының қызметкерлері Республика күніне орай марапатталды

2025 жылғы 24 қазанда, Қазақстан Республикасының күні қарсаңында, Қазақстанның Сыртқы сауда палатасының қызметкерлері кәсіпкерлікті және ел экономикасын дамытуға қосқан үлесі үшін лайықты марапаттарға ие болды.

«Атамекен» ҰКП Президиумының төрағасы Райымбек Баталов экономика мен жеке кәсіпкерлікті дамытудағы ерекше еңбегі үшін Қазақстанның Сыртқы сауда палатасының Халықаралық ынтымақтастық департаментінің директоры Диана Жакутоваға «Ісіне адалдығы үшін» ІІІ дәрежелі медалін табыстады.

Сонымен қатар, Халықаралық ынтымақтастық департаменті директорының орынбасары Дана Қасымова кәсіпкерлікті дамытуға қосқан зор үлесі, өз ісіне адалдығы және еңбек міндеттерін мінсіз орындағаны үшін Құрмет грамотасымен марапатталды.

Құқықтық қамтамасыз ету департаментінің директоры Алтын Ахметова кәсіпкерлік қоғамдастығының имиджін арттыруға белсенді қатысқаны және кәсіби шеберлігі үшін Алғыс хатпен марапатталды.

Бұл марапаттау шарасы — тәуелсіздіктің, бірліктің және заманауи Қазақстанның дамуының нышаны болып табылатын Республика күніне арналған салтанатты іс-шаралардың бір бөлігі болды.