Қазақстанның Шэньчжэнь қаласындағы Сыртқы сауда палатасының құрметті өкілі болып тағайындалды

Шыңғыс Шерниязов Қазақстанның Қытай Халық Республикасындағы Шэньчжэнь қаласындағы Сыртқы-сауда палатасының құрметті өкілі болып тағайындалды.

Шыңғыс Болотбекұлы Шерниязов 1988 жылы 22 қазанда Бішкек қаласында дүниеге келген. 2014 жылы Канзас мемлекеттік университетін, 2019 жылы Массачусетс технологиялық институтын (Global MBA бағдарламасы) және 2019 жылы Цинхуа университетін (MBA) бітірген.

Еңбек жолын 2014 жылы Бейжіңдегі IZP Tech компаниясында электронды коммерция саласындағы Еуразиялық аймақтың директоры ретінде бастады. Осы жылдар ішінде ол Шэньчжэньдегі Globebill финтех компаниясында және Гонконгтағы IBS Settlements-те және Demage Messe-де стратегиялық жоспарлау департаментінің директоры болып жұмыс істеді. Ол Шэньчжэньдегі Қытай-Еуразия іскерлік кеңесінің (CEBC) негізін қалаушы. Шэньчжэньдегі Global Logistics Alliance серіктесі. Шэньчжэньдегі электронды коммерция және жеткізу тізбегі қауымдастығының серіктесі және Шэньчжэнь университетіндегі «Бір белдеу, бір жол» халықаралық ынтымақтастық және даму зерттеу институты.