Қазақстан мен Пәкістан екі елдің бизнесі арасындағы тікелей байланыстарды дамытуға келісті

Алматыда "Атамекен" ҰКП Өңірлік кеңесінің төрағасы Максим Барышев Равалпинди қаласының Пәкістан Сауда-өнеркәсіп палатасының өкілдерімен, сондай-ақ кәсіпкерлер Сохейл Асаф мырза және Фарух Қази мырзамен кездесті.

Қазақстан тарапынан іс-шараға Қазақстан Сыртқы сауда палатасының өкілі Данияр Әлтаев, қалалық мәслихат депутаты-кәсіпкерлік жөніндегі комиссияның басшысы Руслан Ыдырысов және кәсіпкер Максим Югай қатысты. 

Әңгімелесу қорытындысы бойынша қатысушылар іскерлік қызметті жандандыру, екі елдің кәсіпкерлері арасындағы тікелей бизнес-байланыстарды дамытуға жәрдемдесуді жүзеге асыру, сондай-ақ өткізілетін іс-шараларды ақпараттық сүйемелдеу жөнінде шешім қабылдады.