Пакистандағы іс-шарада Инвестклимат және Қазақстанның экономикалық мүмкіндіктері талқыланды

19-20 қараша күндері Исламабадта Қазақстан Сыртқы сауда палатасы өкілі Данияр Альтаев Пакистанда «Қазақстанның экономикалық инвестициялық мүмкіндіктері: Қазақстан мен Пакистан арасындағы сауда-экономикалық ынтымақтастық контекстінде» тақырыбында өткен дөңгелек үстелге қатысты. Бұл шараға ірі бизнес өкілдері мен Пакистанның жетекші қалаларының сауда-өнеркәсіп палаталарының басшылары қатысты.

Өз сөзінде Алибек Бакаев Қазақстанның инвестициялық климаты мен экономикалық мүмкіндіктері туралы айтып, пакистандық бизнесті Қазақстанның экономикалық саласымен ынтымақтастықты белсенді түрде дамытуға шақырды.

Қазақстан Сыртқы сауда палатасы өкілі Данияр Альтаев палатаның қызметі, отандық және шетелдік бизнеске көрсетілетін қолдау шаралары туралы презентация жасап, пакистандық кәсіпкерлер үшін қызықты экономика секторлары туралы ақпарат берді.

Өз кезегінде шара қатысушылары өз компанияларының қызметі туралы айтып, Қазақстанмен бизнес орнату тәжірибесі мен көзқарастарымен бөлісті.

Кездесу соңында қатысушылар сауда және инвестициялық серіктестікті одан әрі дамыту үшін үлкен әлеует бар екенін атап өтті.