Астанада алғашқы Қазақстан-Нидерланд Іскерлік кеңесі өтті

ҚР Көлік вице-министрі Мақсат Қалиақпаров алдағы жылдары халықаралық сауда үшін мультимодальды және тиімді маршрутқа айналуға тиіс Транскаспий дәлізі бойынша тасымалдардың айтарлықтай өскенін атап өтті.

"Ағымдағы жылдың 8 айында орта дәліз бойынша жүктерді тасымалдау көлемі 69%-ға ұлғайып, 2,9 млн. тоннаны құрады. Қытай–Еуропа–Қытай бағыты бойынша контейнерлік тасымалдар 20 есе артып, 20 мың ЖФЭ-ке жетті. 2030 жылға қарай тасымалдау көлемін жылына 10 млн. тоннаға дейін ұлғайту жоспарланып отыр. Бұл Қазақстанның транзиттік маршруттардың негізгі элементі ретіндегі маңызды рөлін көрсетеді".

Сондай-ақ, Қалиақпаров Қазақстанның көлік инфрақұрылымын жаңғырту бойынша белсенді жұмыс жүргізіп жатқанын айтты. Оның деректері бойынша, бүгінде теміржол, порттар мен авиацияны жаңғыртуды қоса алғанда, көлік-логистика саласында 21,4 млрд құрайтын 136 жоба іске асырылуда.

"Бұл Іскерлік кеңес ынтымақтастықтың маңыздылығын растап қана қоймайды, сонымен қатар Транскаспий дәлізін жеткізу уақыты ең қысқа, заманауи, мультимодальды және тиімді бағытқа айналдыруға біздің ортақ міндеттемемізді көрсетеді. Ағымдағы жылдың 8 айында орта дәліз бойынша жүктерді тасымалдау көлемі 69%-ға ұлғайып, 2,9 млн тоннаны құрады", – деді вице-министр.

Ол сондай-ақ ТХКБ дамыту жөніндегі жұмыс тобының бірінші отырысы аясында контейнерлік пойыздардың санын жылына 600 бірлікке дейін көбейту туралы келісімге қол жеткізілгенін айтты. 2030 жылға қарай бұл көрсеткішті 500 мың контейнерді қоса алғанда, жылына 10 млн тоннаға дейін ұлғайту жоспарлануда.

Қазақстан халықаралық транзиттік маршруттардың негізгі элементі бола отырып, инфрақұрылымның белсенді дамуына септігін тигізуді жалғастыруда. Қалиақпаровтың айтуынша, үкімет жалпы құны $21,4 млрд болатын 136 көлік жобасын, оның ішінде темір жолдарды, порттарды, әуежайларды және автомобиль жолдарын жетілдіруді жүзеге асыруда.

Қазақстанның сыртқы сауда палатасы Басқарма төрағасының міндетін атқарушы Асан Жәкішев екіжақты ынтымақтастықтың, әсіресе Қазақстан экономикасын әртараптандыру тұрғысынан маңыздылығын атап өтіп, Нидерланд көптеген жылдар бойы Қазақстанның ең ірі серіктестерінің бірі болып қала беретінін баса айтты.

"Нидерланд – бұл ірі инвестор ғана емес, сонымен қатар инновациялық технологиялар саласындағы негізгі серіктесіміз. 2023 жылы Қазақстан мен Нидерланд арасындағы сауда айналымы $4,4 млрд-қа жетті, ал 2005 жылдан бастап тікелей инвестициялардың жалпы ағыны $117,7 млрд. құрады. Голландиялық компаниялар ауыл шаруашылығы, энергетика және логистика сияқты секторларды дамытуда маңызды рөл атқарады", – деді Жәкішев.

Ол сондай-ақ кеңес қатысушыларының назарын агроөнеркәсіптік кешен және IT-технологиялар саласындағы ынтымақтастықтың елеулі мүмкіндіктеріне аударды, сондай-ақ "жасыл" жобалардың маңыздылығын атап өтті.

"Қазақстан көміртегі ізін қысқарту бойынша белсенді жұмыс істеуде және жаңартылатын энергия көздерін дамытудағы Нидерландпен әріптестік баға жетпес үлеске айналуда", – деді Қазақстанның сыртқы сауда палатасының өкілі.

Нидерланд Қазақстандағы ең ірі шетелдік инвестор болып қала береді. Жалпы инвестиция көлемі – $112 млрд. Голландиялық компаниялардың теңіз инфрақұрылымы мен логистиканы дамытудағы маңыздылығын Бенилюкс сауда палатасының президенті Денис Ван ден Вейх атап өтті.

"Бүгін мұнда ұсынылған голландиялық компаниялар – теңіз инфрақұрылымы, логистика және портты дамыту саласындағы әлемдік көшбасшылар. Ал бұл салалар Қазақстанның ірі көліктік хаб ретінде өсуі үшін маңызды. Олардың тәжірибесі Қазақстанның логистикалық және көліктік инфрақұрылымын жаһандық жеткізу тізбегіне тереңірек интеграциялау мақсаттарына сәйкес", – деді спикер.

Ол сондай-ақ сауда палатасының Ақтаудағы жаңа филиалының ашылғанын жариялады. Бұл көлік және мұнай-газ салаларында жұмыс істейтін компанияларға жақсы қызмет көрсетуге мүмкіндік береді.

Қазақстан-Нидерланд Іскерлік кеңесінің бірінші отырысы екі елдің бизнесіне көлік, логистика, инновациялар және орнықты даму сияқты стратегиялық бағыттарды дамытуға ықпал ететін жаңа жобалар мен серіктестіктер үшін мүмкіндіктер бере отырып, екіжақты экономикалық байланыстарды кеңейтуге бағытталған маңызды қадам болды.

Іс-шараның негізгі қорытындыларының бірі Іскерлік Кеңес туралы Ережеге қол қою болды.