Қазақстанның Сыртқы сауда палатасына Қазақстанның Малайзиядағы Елшісінен алғыс хат келіп түсті

Қазақстанның Сыртқы сауда палатасының атына Қазақстан Республикасының Малайзиядағы Төтенше және Өкілетті Елшісі Болат Сүгірбаевтан 2025–2026 жылдары Малайзияның іскерлік қоғамдастығы үшін іскерлік сапарларды, B2B-кездесулер мен келіссөздерді ұйымдастыруға көрсетілген қолдау үшін алғыс хат келіп түсті.

Хатта өткізілген іс-шаралардың Қазақстан мен Малайзия арасындағы сауда-экономикалық ынтымақтастықты нығайтуға, іскерлік байланыстарды кеңейтуге және өзара тиімді әріптестікті дамытуға қосқан үлесі атап өтілді.

Қазақстанның Сыртқы сауда палатасының Басқарма Төрағасы Мұрат Қарымсақов пен Палатаның АСЕАН-дағы арнайы өкілі Серік Амировқа іс-шараларды ұйымдастыру барысында танытқан кәсібилігі, жоғары біліктілігі және сындарлы ынтымақтастығы үшін ерекше алғыс білдірілді.