Қазақстандағы XXI Қытай тауарлары көрмесі Алматыда өтеді

Биылғы көрмеге Қытайдың 14 провинциясы мен өңірінен 400-ден астам жетекші қытайлық компания қатысып, өнімдердің, технологиялардың және заманауи шешімдердің кең ауқымын ұсынады. Көрме экспозициясы үш негізгі тақырыптық бөлімнен тұрады:

- Премиум санатындағы тұтыну тауарлары және заманауи өмір салты – үйге арналған тауарлар, тұрмыстық техника, тұрмыстық электроника, белсенді демалысқа арналған өнімдер, үй жануарларына арналған тауарлар, сыйлық және креативті өнімдер;

- Заманауи ауыл шаруашылығы және азық-түлік қауіпсіздігі – агроөнеркәсіп кешеніне арналған зияткерлік технологиялар, ауыл шаруашылығы техникасы, тұқым шаруашылығы, қайта өңделген ауыл шаруашылығы өнімдері, сусындар;

- Өнеркәсіптік өндіріс және жабдықтар – өндірістік жабдықтар, жаңа материалдар, жоғары технологиялық өнімдер, экологиялық технологиялар, жаңа энергетика, тау-кен өнеркәсібіне арналған жабдықтар, қауіпсіздік жүйелері және басқа да заманауи өнеркәсіптік шешімдер.

Көрме жұмысына Қытай Халық Республикасы Коммерция министрлігінің өкілдері, Қытай өңірлерінің басшылары, дипломатиялық миссиялардың өкілдері, Қазақстан Республикасының бейінді министрліктері мен ведомстволарының басшылары, сондай-ақ екі елдің іскерлік қауымдастығының өкілдері қатысады.

Іс-шара бағдарламасы аясында тақырыптық форумдар, B2B-келіссөздер, іскерлік кездесулер және компаниялардың таныстырылымдары өткізіледі.

Өтетін күні:
2026 жылғы 2–4 шілде

Өтетін орны:
«Атакент» халықаралық көрме орталығы, №10 және №11 павильондар
Алматы қаласы, Тимирязев көшесі, 42.

Қазақстандық бизнес өкілдерін көрмеге қатысуға, Қытайдың заманауи технологиялары мен өнімдерімен танысуға, өндірушілер және жеткізушілермен тікелей келіссөздер жүргізуге, сондай-ақ бірлескен жобаларды іске асыру және өзара тиімді ынтымақтастықты дамыту перспективаларын талқылауға шақырамыз.

Билеттер туралы толық ақпарат ұйымдастырушының сайтында қолжетімді: https://www.ccfk.kz/