Қарағандыда алғаш рет Лизинг күні – Leasing Day 2025 өтеді

Бұл күн тәжірибе алмасу, лизинг мүмкіндіктерін қарастыру және үздік тәжірибелерді көрсету үшін бірегей алаң болмақ. Бағдарламада – панельдік пікірталастар, мемлекеттік бағдарламалар мен субсидиялау бойынша кеңестер, практикалық кейстер және кәсіпкерлер мен сарапшылар арасындағы іскерлік нетворкинг бар.

Іс-шара аясында көрме аймағы ұйымдастырылып, онда техника, автокөліктер, ауыл шаруашылығы және жол-құрылыс жабдықтары ұсынылады. Қатысушылар отандық өндірістің үлгілерімен танысып, тест-драйвқа қатыса алады.

Шараға мемлекеттік органдар, салалық қауымдастықтар, кәсіпкерлер, салық органдарының өкілдері, әкімшілік полиция және автокөлік жүргізушілеріне арналған қызмет көрсету орталығының мамандары қатысады деп күтілуде.

Leasing Day 2025 іс-шарасы Қазақстан Республикасының 2030 жылға дейінгі қаржы секторын дамыту тұжырымдамасында көзделген міндеттерге сәйкес өткізіледі. Бұл құжатта лизингтік операцияларды дамыту баламалы қаржы құралдарының маңызды бағыты ретінде айқындалған.

📅 Күні: 2025 жылғы 16 қазан
📍 Өтетін орны: Серік Сәпиев атындағы бокс орталығы, Республика даңғылы, 11/3, Қарағанды қаласы