138-Кантон жәрмеңкесіне қатысу мүмкіндіктері туралы ақпараттық семинар

Қазақстан Республикасының басым сыртқы экономикалық саясаты аясында және Қытай Халық Республикасымен сауда-экономикалық ынтымақтастықты кеңейту мақсатында 2025 жылғы 29 шілдеде Алматы қаласында Қытайдың ең ірі халықаралық сауда көрмесі – 138-Кантон жәрмеңкесіне қатысуға арналған ақпараттық семинар өтеді. Аталған жәрмеңке жыл сайын әлемнің түкпір-түкпірінен мыңдаған өндірушілер мен жүздеген мың сатып алушыларды біріктіреді.

Іс-шара сағат 14:15-тен 16:30-ға дейін InterContinental қонақ үйінің Ballroom залында (Желтоксан көшесі, 181) өтеді. Ұйымдастырушылар – ҚХР-дың Алматы қаласындағы Бас консулдығы және Қытайдың сыртқы сауда орталығы. Семинар «Атамекен» ҚР Ұлттық кәсіпкерлер палатасы мен Қазақстанның Сыртқы сауда палатасының қолдауымен өткізіледі.

Семинардың мақсаты – қазақстандық кәсіпкерлерге Кантон жәрмеңкесіне қатысу мүмкіндіктерін таныстыру: делдалсыз жеткізушілерді табу, Қытай нарығына шығу, халықаралық сауданың негізгі үрдістері мен басым салаларымен танысу, сондай-ақ ұйымдастырушылармен және қытайлық және халықаралық бизнес-қауымдастық өкілдерімен тікелей байланыс орнату.

Іс-шара барысында қатысушылар 2025 жылдың күзіне жоспарланған 138-Кантон жәрмеңкесінің форматы мен артықшылықтары туралы практикалық ұсыныстар мен ақпарат алады.

Тіркелген қатысушылар арасында жүлделер ойнатылады: Гуанчжоуға барып-қайту әуе билеттері, қаладағы көрнекті орындарға шексіз кіру карталары, сондай-ақ жәрмеңке барысында жеке аудармашы қызметтері ұсынылады.

📍 Міндетті тіркеу сілтемесі:

👉 https://forms.gle/7s4by363gxYQB5Rt8

📞 Байланыс тұлғалары:

Арлан +7 777 689 66 66

Уәлибек +7 771 066 04 04

Бизнес-қоғамдастық өкілдерін, экспортқа бағдарланған компанияларды, салалық қауымдастықтарды және халықаралық нарықтарға шығуға мүдделі барлық тұлғаларды семинарға қатысуға шақырамыз. Қытайдың ең ірі сауда платформасының мүмкіндіктерін жіберіп алмаңыз!