Поляк компанияларымен B2B-кездесулер Қазақстанның төрт қаласында өтеді

Қазан айында Қазақстанда поляк өндірістік компанияларымен іскерлік кездесулер өтеді. Іс-шаралардың мақсаты – өзара ынтымақтастықты дамыту, бірлескен жобаларды іске асыру және жабдық жеткізу саласында әріптестік орнату.

Кездесулер барысында кәсіпкерлер поляк бизнесінің өкілдерімен серіктестік мүмкіндіктерін, өндірісті жергіліктендіруді және тәжірибе алмасу мәселелерін талқылай алады.

Кездесулер кестесі:

Алматы – 13 қазан, 11:00, Абылай хан көшесі, 79
Шымкент – 15 қазан, 11:00, Ақшатау көшесі, 304
Қарағанды – 16 қазан, 11:00, Тәттімбет көшесі, 709
Астана – 17 қазан, 10:00, Момышұлы көшесі, 2/11

Поляк тарапынан қатысушылар:

METKOM – газ, мұнай және су құбырларын салуға арналған өндірістік құбырлар мен кешенді шешімдер
ROMBOR Ltd – ауыл шаруашылығына арналған техника, жабдықтар мен қосалқы бөлшектер
PRAVDA – дистрибуция саласында серіктестер іздейтін премиум алкоголь бренді
WIROMET – тау-кен және энергетика салаларына арналған жабдықтар мен қосалқы бөлшектер
SCC – халықаралық ынтымақтастықты дамытуға бағытталған Польша сауда-өнеркәсіп палатасы

📞 Тіркелу міндетті.
Байланыс тұлғасы: Мадина, тел. +7 776 223 70 31

Іс-шараның ұйымдастырушылары – Қазақстанның Сыртқы сауда палатасы және SCC (Польша).

Іс-шараның күні 13 қазан 2025

Бөлісу